Page:Castets - La Chanson des quatre fils Aymon, 1909.djvu/738

710

les quatre fils aymon

13785Il n’ont gaires alei vers lo bos d’autre part,^[1]
Yonez chiet pasmez qui de faim se depart.
Renaus l’ala haucier qui ne fu pas coart.^[2]
Aymonet si raptis[t] maintenant Aalart.^[3]
Richars tint la duchesse entre lui et Guichart.^[4]
13790Ensinc s’en vont la bove, de Charlon n’ont regart.^[5]
La chandele est si grant [que] par devant [tot] art.^[6]
Ensinc comme li jorz par tout le mont s’espart,^[7]
Sont issu de la bove, s’entrent en .i. essart.

Quant Renaus fu el bois, bien savoit où il fu ;^[8]
13795Aalars et Guichars [vers lui en sont venu] :^[9]
« Sire, que ferons nos ? [Laiens est] Valfondu^[10]
Où maint Bernarz l’ermite qui ja fu vostre dru. »
[« Frere, ce dist Renaus, bien vos ai entendu],^[11]
Or i alomes tant que li jorz soit faillu ;
13800Puis iron an Tremoigne lo droit chemin batu. »
« Bien dites, dist Richars, par lo cors saint Jhesu. »
Atant s’en sont alei parmi lo bois foillu.

Parmi lo bos foillu s’en vont à l’ermitage ;
M 363Il n’ont gaires alei contremont le bosch[age],^[12]
13805Quant il sunt departi comme beste sauvage ;
Les herbes arocherent, errant par bon corage ;
Volentiers [les] mangerent, si les cache la rage.^[13]
Cil qui trove boton, lo cuer li rasoage,
Et cil qui trueve [fueille], de manger ne se targe.^[14]

1. 13785-13788 Vers omis par M et Michelant
2. 13787 A Regnaus l’a redrecié ces perez li vassax.
3. 13788 L raptis. A Aymonet se repasmet par devant Aalart.
4. 13789 A Guichars... Richart.
5. 13790 A vont li contez.
6. 13791 L grant par devant art, A manque. M La lumiere est devant qui moult clerement art.
7. 13792 A Et quant li jors fu clers qui partot c’esveilla. M comme L.
8. 13794 A ist de terre, mont sot bien où il fu. M fu u bois, moult sot bien ou il fu.
9. 13795 L en sont venus vers lui. M en sont à lui venu.
10. 13796 Sic M. L El val la.
11. 13798 Sic M. L manque.
12. 13804 Lettres rognées.
13. 13807 L le.
14. 13809 L pierre. A fueille.