Page:Castets - La Chanson des quatre fils Aymon, 1909.djvu/688

660

les quatre fils aymon

« Renaut, ce dist Rollans, où iestes vos alé ?
Ou il est anuitié ou je sui enchanté.^[1]
Veus tu te mais combatre ? conte moi ton pensé. »
« Sire, ce dist Renaus, tot à vo volenté. »^[2]
12290« Renaut, ce dist Rollans, fai moi une bonté,
Et je la ferai toi, ensi me vient à gré. »
« Par foi, ce dist Renaus, ves m’ent tot apresté ;
M 323Mais que salve m’onor, raison me requeres. »^[3]
« Queres nos .ii. chevaus, dist Rollans l’adurés ;
12295Se vos à Montauban m’en poïes mener,
Awec vos m’en iroie volentiers et de gré.
Si me garderes tant que seres accordés ;
Certes, que j’ai de vos merveilleuse pité. »
« Sire, ce dist Renaus, Dex vos en sache gré. »
12300La niule se depart, si revint la clarté.
Rollans prent Viellantin par le caufrain doré,
Renaus li tint l’estrier et Rollans est montés ;
Puis en vint à Baiart, saut es arçons dorés.
Aalars et Guichars i sunt poignant alé ;
12305Charles crie à ses homes : « Franc chevalier, vees.
Ne sai quel plait ont fait, il l’en wellent mener.
Or i parra, baron, commant le secorres. »
Et li François desrengent, taisent chevaus aler.
Ogiers li bons Danois a Renaut apelé :
12310« Sire, por amor Deu, devant vos en ales ;
Car vos iestes forment traveilliés et penés. »
« Par foi, ce dist Renaus, je n’ai mie de mel.
Molt m’a fait hui cest jor Rollans grande bonté,
Que owec moi s’en vient et trestot par son gré. »
12315« Sire, ce dist Ogiers, .v.c. mercis de Dé ;
Mais metes vos devant ovec vostre barné
Ves ci l’empereor où il vient molt irés.
Entre moi et [Estout] et Torpin l’ordené,^[4]

1. 12287 ou Jo ne voi mais cler.
2. 12289 et suite : Par foi, ce dist Renaus, Jo ne vos sai trover. Renaus, ce dist Rollans, en mon cuer ai pensé Que Dex a hui cest tans por nos .ii. anublé. Ce est senefiance de bien et d’amisté. Renaus, or te ferai une large bonté : Avec toi voles, Et serai avec vos par bone volonté Entresc’à icele ore que seres acordé. Sire, ce dit Renaus, se faire le voles. Cil sire le vos [rende] qui en croi fu penés. La neule departi.
3. 12293 Mot chevaleresque.
4. 12318 L Ogier. Mais c’est lui qui parle. B Estout que l’on retrouve en effet plus bas.