Page:Castets - La Chanson des quatre fils Aymon, 1909.djvu/648

Le texte de cette page a été corrigé et est conforme au fac-similé.
620
les quatre fils aymon

Et a dit à ses freres : « Bien somes engané.[1]
Se fussies ovec moi, bien nos fust encontré.
Charlon en eüssons à Montauban mené. »
11065« Sire, dient si frere, del bien faire penses,
Et si faites vos cors et vos grailles soner,
Car la nuis est oscure, pres est de l’avesprer.
Alons à Montauban, le chastel principel ;
Si en faisons nos gens arriere retorner.
11070N’i avons riens perdu, ains avons conquesté. »
Charles a fait ses cors [grailoier et corner],[2]
Et Renaus fait ses grailes isnellement soner ;
Or rasemblent les os qui s’en wellent raler.
Chascuns a fait sa gent entor lui assembler ;
11075Charles s’en vait arriere, s’a Balençon passé.
« Par mon chief, dist li rois, mal nos est encontré,
M 292Quant Renaus et si frere m’ont fors del champ jeté. »
« Sire, ce dist Rollans, ne vos desconfortes.
Se perdu i avons, il n’ont preu conquesté. »
11080Or dirons de Renaut qui s’est acheminés.
Il fait soner ses grailes dont il avoit planté,
Et fait tos ses barons et rengier et serrer ;
Et les fait erraument tot oltre lui passer.
Guichart et Aallart a endeus apelé :
11085« Seignor franc chevalier, bien nos est encontré.
Deu merci, le manant nos avons conquesté.
Vos remenrois derriere ovec moi en cel pré ;
Et cist s’en voissent oltre et rangié et serré,
Car François sunt forment corr[e]cié et iré.[3]
11090Se il nos anchauçoient, por no gent destraver,
Que nos soions derriere as grans asaus livrer.
Je ne volroie mie por l’or de .x. cités
Que Rollans s’en peüst à Olivier gaber,
Et li baron de France qui là sunt assemblé,
11095Que n’osasmes as loges ne venir ne aler.
Molt bien sai que François sunt desarmé as trés,

  1. 11062 B mal sommez enchanté.
  2. 11071 L K. fait de ses cors la grant.... La fin a été grattée et non remplacée. Complété de C. B graloier et soner.
  3. 11089 L corrcié.