Page:Castets - La Chanson des quatre fils Aymon, 1909.djvu/618

590

les quatre fils aymon

Names, ce dist li rois, quel conseil me donres ? »^[1]
« Sire, dist li dus Names, quel conseil demendes ?
Vos demendes conseil et croire nel voles.
10200Renaus et Aallars sunt bien de France né ;
Molt a duré la guerre, li .xx. ans sunt passé.
Mort en sunt en bataille .m. chevalier armé.
M 269Car mendes or Renaut et Aallart l’ainsné,
Et Guichart et Maugis, que Richart lor rendres ;
10205Si deviengnent vostre home, foi plevi et juré ;
Aallars et Renaus soient des .xii. pers.
Jusqu’en Jherusalem en seres plus doutés,
Se vos avez l’amor as .iiii. bachelers.
Com plus tendrois la guerre et vos plus i perdres ;
10210Car il sunt chevalier hardi et aduré,
Et si sunt de vo geste et de vo parenté
De par Aymon lor pere, si que bien le saves. »
« Non sunt, dist Charlemaignes, car Renaus m’a fausé.
Richart, je vos pandrai, par mon grenon mellé. »
10215« Sire, dist li dus Names, se vos plaist, non feres.^[2]
Ja nel puet ses parages sofrir ne andurer.^[3]
Li .xii. per de France, qui ci sunt assemblé,^[4]
Et vos meïsmes, sire, en series blasmés.
Quant le voles ocirre, meillor conseil prendes.^[5]
10220Car le metes en chartre ou en celier pierré,
Si ait buies es piés et le charchan fermé ;
Si le faites, biau sire, à .c. homes garder.^[6]
Jamais ne mangera ne de pain ne de blé ;
Mais la char toute crue devant lui li metes.^[7]
10225Molt vivra cortement, ains iert lues afamés. »
« Names, dist Charlemaignes, or m’avez vos gabé.
Encor est Maugis vis, qui tos est anchantés.
S’or avoie Renaut laiens emprisoné,

1. 10197-10213 Manquent à B.
2. 10215 B Namelez.
3. 10216 B lignagez.
4. 10217 Manque à B. En effet les pairs ont quitté la tente du roi.
5. 10219 B autre conseil.
6. 10222 B à x. hommez.
7. 10224 Manque à B.