Renaus sist sor Baiart qui tant pooit errer ;
Bien sembla chevaliers et vasaus adurés.
Ses homes en apele et si lor a conté
Une jante raison, et il ont escouté.
« Seignor, ce dist Renaus, par pesant aventure
Commence l’on tel chosse qui molt longement dure.
Quant dus Bues d’Aigremont ot la teste perdue,[1]
Durement m’en pesa et si fu bien droiture.
Bertelai en feri d’un eschec à painture,
.i. neveu Charlemaigne, par tele desmesure,
Nel pot garir li tes ne la cervele dure
Que tot ne l’esmiase desi en la çainture.
Saves por coi l’ai dit ? ne vos iert pas teüe.
Rollans, li niés Charlon, a sa gent esmeüe ;
S’enmaine roi Yon com oisel pris en mue.
Encui sera pendus, se de moi n’a aiüe.
Mais, par icel Seignor qui fist soleil et nue,
Miex vodroie que m’ame fust de mon cors issue,
K’il enmenast le roi par tel descovenue.
Encui verrai les bons cui proesce salue ;
Gardes que la bataille soit tres bien maintenue. »[2]
Lors chevaucent ensamble, grant force les argüe.
Or chevauce Renaus cui Jhesus puist salver,
Et sa compaigne o lui, que il doit molt amer,
Que por s’amor se wellent traveillier et pener.
Et Rollans, li niés Charle, se prist à regarder ;
Si a veü Renaus qui tant est preus et ber,
Aallart et Guichart qui tant font à loer
Et Maugis le larron ki tant fist à douter.
L’arcevesque Torpin en prist à apeler,
- ↑ 8710 L B perdue. M tolue.
- ↑ 8724 Les chevaliers dans cette Chanson parlent tous souvent et longuement ; mais l’auteur de cette branche a étudié les discours de Renaud avec le soin évident de faire ressortir le sens et la noblesse de caractère de son héros. Les romanciers italiens ont bien vu que Renaud de Montauban était marqué pour devenir le protagoniste de la légende renouvelée, mais si l’on veut apprécier exactement la valeur du personnage, c’est plutôt à l’épopée homérique qu’il convient d’emprunter les éléments de la comparaison. Le Renaud français tient à la fois d’Achille et d’Ulysse.
