« Segnor, ce dist li rois, por Deu et por son non,
Ales à Montalbau, brocant à esporons.
Si me dites Renaut et Aalart le blont
K’il me vienne socorre, k’il est me[s] liges hom[1]
Et ne prene pa[s] garde à ma grant mesprison ;[2]
Car s’il me laist destruire, à mal le tendra on.
Si en ara reproce, ce sai bien, sans pardon.
Honte en aueront si oir ki sunt mi neveçon.
Et s’i me puet secorre, que dame Des li doinst,[3]
Si me face trencier et les piés et les [poins][4]
Et la langue [esracier] dont dis la traïson. »[5]
Et il li respondirent : « Biau sire, non feron. »
« Si ferois, dist li rois, par la vertu del mont.
Ja voir que c’aie fait, ne le contrediront,[6]
Car trop sont preu li conte, n’a si vallant el mont.
Il me venront socorre à qanque il poront. »
Lor parla Oliviers à Rollant le baron :
« Dites, si[re] compains, quele par[t] tornerons ? »[7]
[Par devers Monbendel], ce dist li niés Charlon ;[8]
Cevaucerons serré desi à Monfaucon.[9]
Ilueques volrai pendre le rice roi Yon.
Les forces sont levées, le feste contremont.
Charles i cuida pendre Renaut, le fil Aymon ;
Mais jes estrinerai de cest culvers felon.
Par Colençon tornes, si pases Balençon ;
Savoir se Dex donroit par sa beneïçon
Que poïsse encontrer Renaut, le fil Aymon,
Et Aallart son frere et Guichart le baron
Et Richart le menor et Maugis le laron. »
« Hé Dex ! ce dist Ogiers, par ton saintime non,
- ↑ 8480 L me.
- ↑ 8481 L pa.
- ↑ 8485 B s’il. M Car s’il me puet conquerre.
- ↑ 8486 L mains. M et le pié et le poing. B et les puins.
- ↑ 8487 L trencier. M couper. C hors traire. B esrachier.
- ↑ 8490 M Car pour chen que j’ai fet.
- ↑ 8494 L si.... pa.
- ↑ 8495 L M Montauban. B Monbendel que Michelant accepte avec raison.
- ↑ 8496 Monfaucon est le lieu où sont dressées les fourches.
