Quant li clers li escrie : « Ne feres, chevalier].
Ber, ne t’ocirre mie, por la vertu dou ciel ;
Mais montes sor Baiart, le bon corant destrier,
Ki plus tost vos ira que ne vole espreviers,
Et saures des barons se l’on lor puet aidier,
[S’il sont mort ou ocis et comment il lor iert].[1]
« Maugis, es dist li ciers, entendes ma raison.
Certes conterai vos une grant traïson
Que li rois Yus a fait, ja n’ait s’ame pardon.
Il a traïs tos .iiii. les fius au viel Aymon,[2]
Il les a envoiés es plains de Waucolors.
Illuecques ont trové Fouque de Morillon,
Et le conte Guimart et Fauc de Mongençon,[3]
Et Ogier le Danois o .iii.m. compaignons[4]
Qui les heent de mort, issi con nos disson ;
Jamais nul n’en verrois ne sains, ne en valor. »
Com Maugis l’entendi, si maine grant dolor[5]
Et regrete les contes par merveilleuse amor.[6]
« Ahi ! tant mar i fustes, franc chevalier baron !
Vos iestes mi cousin, pres nos apartenon.
Bien sai, se je vos pert, jamais n’aurai honor.[7]
Mais par icel apostre c’on quiert en pre Noiron.[8]
Bien vos i gaities, Charle, li rois de Montloon,
Que se vos ocies .i. seul des fius Aymon,[9]
- ↑ 7581 D’après B C M, manque à L. Texte de Metz :
Quant li clers li escrie : Ne faire, chevalier.
Mais monte sor Baiart, le bon corant destrier ;
Si les ales secorre, se lor poes aidier,
Si saichies s’il sont mort ou comment il lor iert ;
S’enfoiromes les cors en aitre ou en mostier
Et fera le servise itel com li afiert. - ↑ 7585 Metz deux vers : Il a traï Renaut et Aalart le blent Et Richart et Guichart qui moult sont franc baron.
- ↑ 7588 Metz : Mongenchon.
- ↑ 7589 Metz : Olivier l’aduré.
- ↑ 7592 Metz : à poi d’ire ne font.
- ↑ 7593 Metz : et maine grant dolor.
- ↑ 7596 M henour. B joie n’auron.
- ↑ 7597 Metz : ce saint apostre.
- ↑ 7599 M Metz : Renaut le fils Aymon Ne Alart ne Guichart ne Richardet le blont, Par icel Deu de glore qui estora le mont, Ne vos gairra.
