« Dame, ce dist Renaus, faites pais, si m’oies.
Li hom qui croit en songe a bien Deu renoié. »
« Par Deu, dist Aallars, n’i porterai le pié. »
« Ne je, ce dist Guichars, par la vertu del ciel. »
« Seignor, ce dist Richars, nobile chevalier,
Car prenons nos haubers et nos helmes vergiés
Et çaignons nos espées et montons es destriers.
Qui me voloient du tout les [membres] esragier.
Je ne me poi vers eus ne tancer ne aidier.
Apres vint un dragon corans tous eslaissiez
Qui vous voloit, biaz sire, devorer et mangier,
Se ne fust la grant force de Baiart vo destrier
Que vous aliens sus comme bons chevalier.
La teste li tranchiez à l’espée d’acier.
Apres icellui somme, quant me dui esviller,
Si me fu bien advis, mentir ne vous en quier ;
Que ce palais veïsse verser et trebuchier.
.i. perron descendoit jus dou mestre rochier
Qui feroit si Aalart, vo frere le prisié,
Si que trestout le corps li faisoit depecier.
Et .i. autre quarriaz descendoit du rochier,
Qui assenoit Richart le menor chevalier
Que le cors et les membrez li vis toz debrisier.
Apres vinrent .c. aiglez, volans devers le ciel,
Qui saisirent Guichart, le vaillant chevalier.
Le destre braz li vi fors du cors esraigier (sic)
Où il criait : Regnaus, c’or me venez aidier.
Vous i alienz, sire, sor Baiart vo destrier,
Si combatiez as aiglez com vaillans chevalier,
Tant com sos vos chaioit li auferrant destrier.
Vous ne lor poiez paz secorre ne aidier.
Li songez est mont fort, si me fait esmaier.
Dame, ce dit Renaus, faites paiz, si m’oiez.
Li hons qui croit en songe, il a Dieu renoié.
Par Dieu, ce dit Alars, n’i porterai les piez.
Ne je, ce dit Guichart.
M —Ennuit songei .i. songe mirabilex et fier,
Que iere en Argonne dessous .i. grant pommier,
Et vi encontre moi .iiii. englois (sic) eslessier,
Les denz avoient grans et trenchans comme achier.
Si vous voloient, [sire], ochirre et detrenchier.
La tour de Montauban vi à terre abessier.
.i. quarrel descendi du grant palez plenier,
Aalart consuï, mort le fist trebuchier.
Le destre bras i vi à Guichart esrachier,
