Page:Castets - La Chanson des quatre fils Aymon, 1909.djvu/490

Le texte de cette page a été corrigé et est conforme au fac-similé.
462
les quatre fils aymon

El palais en entra, voiant tot le barné,
Et Renaut et ses freres en avoit appelé :
6370« Seignor, franc chevalier, de par le roi prenes
Cest present que vos fas, bien le deves amer. »
« Certes, dist Aalars, il fait molt à loer.
Por l’amistié de lui les tenrons en chierté.»
Li conte les afublent, ne s’en sorent garder.
6375Ahi ! las, dolereus, mar les virent ovrer !
Ce sunt les connoisences dont seront vergondé.
Or ont li .iiii. conte les mentiaus afublés.
[Li rois] Yus les esgarde, s’a de pitié ploré.[1]
Plus de .c. chevaliers environ, de tos les,
6380Qui la traïson sevent, n’osent .i. mot soner.
Renaus demanda l’eve, s’est asis au soper.
Cil seneschal servirent de vin et de claré,
De paons et de cisnes, chascuns en ot planté.
Tant prierent le roi qu’il a .i. poi sopé.
6385De .x. mes ou de .xv. ont à lor volenté.
Quant il orent mengié, font le vin aporter.
Sor lor piés se drecerent .xl. bacheler
Qui le vin lor porterent es hanas et es nes.
Li roi Yus de Gascoigne s’en est en piés levés ;
6390Où qu’il vit le Renaut, si l’en a aresné :
« Gentis dus debonaires, à moi en entendes.
.i. conseil vos veil dire que ne vos voil celer
M 169Entre vos et vos freres que je doi molt amer.
Je fui à Monbendel, à Charlon au vis cler.
6395De traïson i fui por vos .iiii. apelés,
Por çou que je vos tieng en icetui regné.
Devant l’empereor fu mes gages portés.
Il n’i ot si hardi, qui mot ossat soner.
Es plains de Waucolors le matin en ires,
6400Ensamble o vos [.vii.] contes de molt grant parenté,[2]
C’est Guis de Monpancier et Hunaus li membrés,
Bernars et quens Guimars et Doons li senés,
Antoines et Hertaus où ainc n’ot fausetés.

  1. 6378 L roi Y.
  2. 6400 L .v., mais il en nomme sept.