La ville est saisie de bois et de prael ;[1]
Si quit qu’il ait là ens maint vaillant damisiel
Qui ne se voldront rendre, s’auront fet lor cembel.
Là est ço de Gascoigne le premerain recel.
Se Renaus se mett ens, si frere li danzel
Et Maugis ensement, qui tant set de piniel,
En l’ost, ço cuit, movront maint feneles cenbel.
Par la foi que jo doit Jhesu qui fist Abiel,
Je n’en prendroie mie tot l’or de Mirabiel
Que jo ne fasse pendre cascun à tel hardel
[Qui n’ert] mie de caisne, de frasne ne d’aubiel ;
[A]ins aura cascuns [d’aus] un tel croc al musiel,
[T]out li forchom istront derriere, al hateriel. »
Monbendiel a assis Charles de Montloon ;[2]
Ses barons apela, s[e]s a mis à raison.[3]
« Entendes moi, dist Charles, franc chevalier baron.
Cist castels est molt fors, foi que doi saint Simon ;
Ains mes tel forteraice ne vit des oels nus hom.
Ele est asses plus fors que la Roce Guion,
Ne Paris, ne Orliens, ne castiel environ. »
« Sire, ço dit Ogiers, laissies vostre raison,
Une rien saceis vos et por voir l’afiçon :
Montalban vaut les .c. car conté le m’a on. »
« Comment va ce, dit Charles, Ogiers fix à baron ?
[Or] esgardes la vile entor et environ,[4]
Les murs et les bertesches et les mestre donjon.
Estoient or là ens tel .ii. c. compaignon
Com je vos nomeroie, foi que doi saint Simon
Ne doteroient l’ost le vallant un boton. »
- ↑ 5464-5466 Les mots et lettres suppléés manquent au ms. — cascunc un tel.
- ↑ 5467 Ici les versions B C et A (celle-ci pour cette partie) se séparent de L et la concordance ne se retrouve qu’à partir de Vaucouleurs, et encore faut-il bien distinguer entre B C et A. M et Metz (celui-ci pour ce que j’en sais jusqu’ici) concordent avec L jusqu’au pélerinage. Je renvoie à ce que j’ai dit dans l’introduction au sujet de ces mss. Les différences principales pour le fond portent ici sur Monbandel, qui est pris de force, et sur l’épisode de la chasse que L M ignorent.
- ↑ 5468 L sis. M si les mist.
- ↑ 5478 Manque au ms. comme nombre d’autres initiales.
