Page:Castets - La Chanson des quatre fils Aymon, 1909.djvu/459

Le texte de cette page a été corrigé et est conforme au fac-similé.
431
les quatre fils aymon

5360Semones moi par non tos mes barons [d’Espaigne],[1]
Berruies, Braibençons et tos cels de Gorlande.
Alemans auerai jo et tot cels de Horlande,
Et toz cels de Soué et tos cels de Gerande,
Cels de Costantinoble, de Sessoigne la grande.
5365Et cil ki remandra, dirai vos sa gaaigne :
Se jo puis repairier, ja n’ert jor ne [s’en] plegne. »[2]
Li barons se departent, cascuns va en son regne,
Richars en Normendie, Salemons en Bretaigne,
Et font mander lor homes et lor [r]ice compaigne[3]
5370K’amenront à Paris au fort roi Charlemaigne.

L’emperere de France à sa gent commanda,
Quant de Paris issirent et congié lor dona,
Que il reviegnent tost et ne demorent ja.
Et cascuns des barons molt bien le creanta
5375Que il revenront senpres, mar s’en esmaiera.
Salemons de Bretaigne premiers s’aparella,
A .xx. m. chevaliers à Loon s’asanbla.
Richars de Normendi[e] mie ne s’atarga ;[4]
Au roi en est venus, mie ne s’oblia,
5380Et furent bien .x.m., si com hom les esma.
Et [Dessiers] de Pavie mie ne demora,[5]
.xx.m. chevaliers ovec lui amena.

Gefrois, li dus d’Angiers, ne s’aseüra mie,
Ains vint au roi de France o jente compaignie,
5385.iiii.m. chevaliers amena en s’aïe ;
Et si ot bien .v.c. des archers de Valie[6]
Qui, por nule paor, de camp ne fuiront mie.
M 143Hue, li cuens del Maine, fu chevalier nobile :
La jeste nos raconte, si rice hom n’ert mie ;
5390.iiii.m. chevaliers ot en sa mainbrunie[7]
Qu’amena Charlemaigne à Paris, en s’aïe.
[Beraus], cil d’Allemegne, ne s’asseür[a] mie ;[8]

  1. 5360 Sic B C. L ensauble
  2. 5366 L jo ne m’en.
  3. 5369 Ms. lo rice.
  4. 5378 L Normendi.
  5. 5381 Sic B C. L Richiers
  6. 5386 A de Sulie
  7. 5390 Entendez mainburnie.
  8. 5392 Sic Metz. L Bertons... asseürent.