Page:Castets - La Chanson des quatre fils Aymon, 1909.djvu/399

387

les quatre fils aymon

3620Chemisse et blanche braies lor done à grant plantés
Et chauces de paile brun et solers botonés
Et peliçons hermins et bliaus gironés
Et molt riches mentiaus lor a sus afublés.
La duçoise lor a ses tresors defremés,
3625D’or et d’argent lor mostre mervellose plenté.^[1]
« Vallet, ce dist la dame, icest petit prené.
Se vos n’en aves preu, je vos donrai asses. »
« A Dex, ce dist Renaus, com ber fui onques nés !
Lor a les sodoier de la tere mandés.
3630Cil viendront volentiers, ki erent [sejornés]^[2].
Cele nuit jut Renaus à Dordon la cité.
Ançois que il fust jors, en i vint grant plenté,
Tant k’il furent .vii.c. as armes conreés ;
Et la france duçoise a ses fis apelés.
3635Ele dist à Renaut : « Amis, or entendes.
Biax fix, laissies Baiart ; magres est et lasés,
Si maine le ton pere, ki est de grant bonté. »
« Dame, ce dist Renaus, qu’esse que dit aves ?
El Baiart ai fïance, ki molt est alosés.
3640Vois à seür par France, quant jo i sui montés. »
« Voire, ce dist la dame, ricement soit gardés. »
A icestes paroles fust ja Renaus montés ;
Atant es vos Maugis ki preus est et senés,
Et repairoit de France où esté ot asses.
3645A la cité d’Orliens ot un [tresor]^[3] enblés.
Quatre somiers amaine d’or et d’argent torsés.
M 97Il avoit oï dire, et si fu verités,
Que li fil Aymon sont dedens Dordone entrés.
Venus est cele part ; es le aceminés,
3650Parmi la maistre porte en la vile est entrés.

1. 3625 P développe cette donnée :

   Vous porterez mes noches qui tant ont de bontez.
   Elles valent .m. Lb. de deniers moneez.
   .v.^c pieres i a qui moult ont grant bontez.
   Se votre avoir vos faut, si en emprunterez,
   L’en vos croira bien sus .c. Lb. moneez.
   Dame, ce dit Renaus, Dex vos en sache gré.

2. 3630 L sorjonés. A sejornez.
3. 3645 L terror. A M tresor.