Page:Castets - La Chanson des quatre fils Aymon, 1909.djvu/327

Cette page a été validée par deux contributeurs.
315
les quatre fils aymon

Mais l’iaume n’enpira la monte d’un besant,
Li cos glaça aval desor l’escu luisant ;
1320Le quartier par devant li ala jus copant,
.c. et .l. mailles de l’auberc jazerant.
Li dus Buef s’escria : « Mal vos est covenant,
M 36Jamais en vostre vie ne seres retornant
Ne verres en Paris Loeïs vostre enfant. »
1325Quant l’oï l’empereres, s’en ot le cuer dolant.
L’espée leva haut qui ala flamboiant ;
Ja en ferist le duc par mi l’iaume luisant,
Quant es vos à travers Ogier et Guinement,
Girart de Rossillon et si apartenant
1330Et Naimon à la barbe et le duc Galerant
Et les neveus Girart, Foucon et Enguerrant,
Et li preus Amadeus qui tant par fu vaillant ;
Cil vinrent vers Charlon, l’empereor poisant.
Li rois saut el cheval, ne s’ala atarjant
1335Et escrie Monjoie ! hautement en oiant.
Es vos par la bataille dant Richart le Normant
Et alonge l’espié qui fu fort et tenant
Et va ferir Gerart à son esou devant,
Desous la boucle à or li ala depeçant
1340Et le hauberc du dos li ala desmaillant.
Les le costé li met son bon espié tranchant ;
De la char li trancha plaine paume tenant.
Li sans vermaus le file par desos l’auberc blanc.
Li dus Girars le vit, si l’en pesa forment.
1345Li quens Do de Nantueil et Aimes li ferrant
Par defors la bataille vont lor frere menant.
Trives mandent à Charle jusk’à l’aube aparant,
Que li jors fu faillis, si ala avesprant ;
Par le conseil Naimon lor ala otriant.
1350Les os sunt departies, Charles remaint atant
Et Gerars s’en repaire à son tref maintenant.
Le hauberc li deslacent et le hiaume luisant ;
Durement fu navrés sor son senestre flanc.
« Baron, ce dist li dus, n’i ait dementement.
1355Nos avons tort vers Charle l’empereor poisant.
Ja est ce no drois sires, franc chevalier vaillant,