Page:Castets - La Chanson des quatre fils Aymon, 1909.djvu/312

300

les quatre fils aymon

Mar lairas à semonre le petit ne le grant ;
845Qui armes puet porter, si viengne maintenant,
Qui n’i venra, si soit apelés recreant ;
Maldis soit il de Deu le pere roiament,
Ki n’ira sor duc Buef tost et isnellement ;
Ja mar li laiseres .i. denier vaillisant,
850Et se vos le prendes, pendus soit maintenant. »
Quant Charles l’entendi, si se va confortant.
« Baron, dist l’emperere, dont le lairai je atant.
A Dame Deu de gloire me vois de lui plaignant. »
De si à Saint Germain ne se vont atarjant ;
855El mostier en entrerent li chevalier vaillant ;
L’auberc li desvestirent et le hiaume luisant^[1]

L’auberc li deslacerent à Saint Germain el pré,^[2]
Ens el mostier l’en ont tot maintenant porté.
L’arceveske Hermans, c’on tint à bien letré,^[3]
860A chantée la messe, n’i a plus demoré.
L’ofrande fu molt grande, quant Charle i fu alé.
Apres la messe l’ont en .i. sarcui boté.
Ki donc oïst le cri que l’on i a levé !
Com Charles se demente, l’empereres membré !^[4]
M 24 865Com tire ses cheveus li bons rois coroné !
« Hé Dex, dist Charlemaignes, com par sui avillé !
[Com or] m’a li dus Bueves malement demené^[5]
Ki mon mesage a mort, et mon fil a tué !
Dame Dex, sires peres, qui me fesistes né,
870Vos m’en dones venjance par la vostre bonté,
Que encor se repente de ce k’a mal ovré.
Si ne fu onques jors, ce sachies de verté,
Que lui et son linage ne tenisse en chierté ;^[6]
Mais se vif longuement, il [iert] guerredoné.^[7]

1. 856 BC La biere deschargierent (B descarquierent) des ilec en avant.
2. 857 BC La biere deschargierent à Saint-Germain es prés.
3. 859 B Ernaus. C de Rains.
4. 864 B barbez.
5. 867 L Tant m’a li dus B. malement. C Com or m’a li dus Bues laidement. B Com or sui par B. malement.
6. 873 C m’eüssent.
7. 874 Sic BC, manque à L.