Page:Castets - La Chanson des quatre fils Aymon, 1909.djvu/252

Le texte de cette page a été corrigé et est conforme au fac-similé.
240
les quatre fils aymon

A son frere manda trestout tele fac[hon]
De le mort de leur pere Regnault le bon [baron].
Or a moult grant dueil, en mena car moult [hon],
Et le roy Richier d’Acre qui tant ot de re[non]
40.Fut moult triste et dolant pour Regn[ault le baron]
Or vous diray d’Alart qui estoit gentilz h[on].
Par le conseil qu’il ot et ses freres de non,
Le corps saint esleverent en grant pourcession,
Enssi qu’il apertient à prinche de grant non.
45.Car le noble Saint Pere qui tant ot de renon,
Y envoya evesques et cardinaux foyson
Pour le corps eslever en grant pourcession
Et pour le metre en fiertre de fin or sans laiton.
En le fiertre fu mis si qu’il estoit raisson.
50.En le cit de Tremongne saint Regnaut l’apiell’on
Et en font moult grant fieste ceulz de la region.
Et apres ceste choze que conté vous avon
Se departi le gent qui fu en grant renon.
Chascuns si s’en rala en son estrassion.
55.La duchoise remest qui de joie ot foison.
Point ne vesquit granment aprez le sien baron ;
A Tregmongne morut et là l’enterra on.
Moult en furent dolant li .iii. enffant Aymon.
La contrée gardoient et tienrent en leur non.
60.Le serviche en rendirent à l’empereur Karlon.
Et li rois les amoit, mais traïstres fe[lon]
Les mirent a mort en leur grant tra[ïson].
Dans le cité de Nasples, par delà pr[é Noiron],
Furent a une roche estaint li n[obile hon],
65.Et Maugis d’Aigremont qui estoit [bon larron].
Che fu par Ganelon, le traïteur glo[uton],
Qui oncques en se vie ne pensa s[e mal non],
Car par li furent il mis en des[trussion].
F° 217, verso A.Bien venga puis leur mort le noble roi Yvon
70.Enssi com vous orrez en le bonne canchon ;
Car Ogier li manda et le bon duc Naymon
Comment ont les ot fait morir par traïson,
Et quant Yvon le sot, s’en ot grant marison
[Il] jura Jhesu Crist, le disne roy Jhesum,