Les Fils Aymon ont attendu jusqu’à minuit. Alors ils s’arment et vont s’embusquer dans les champs. Survient Maugis avec son fardeau. Il se fait reconnaître. On revient à Montauban. Maugis raconte ce qu’il a fait et étale son butin. Richard voudrait Durendal, mais Maugis l’offre à Renaud qui refuse de profiter de ce larcin. Survient Clarice.
F° 53, recto. Elle félicite Maugis. L’auteur nous ramène à Charlemagne et à ses Pairs.
Droit au soleil levant fally l’enchantoison.
Li baron esveillierent qui furent en frison ;
L’un l’autre ont regardé par grant abusion.
Le roy Karlle tenoit en sa main un tison,
Et s’ot desus son chief la torche d’un chaudron.
Et quant Roland le vit en tele establison,
Ne se tenist de rire pour tout l’or d’Arragon.
A Ogier le monstra et au bon duc Naymon
Et aux barons ossi qui la sont environ.
Regardez, dist Rolant, pour le corps saint Simon,
Veistes vous oncques roy en telle condicion ?
Quant Karlle s’esveilla, si taint comme charbon.
Ay, dit-il Maugis, trop me tiens pour bricon.
Atant es vous venu le conte Guesnelon.
Ay, franc roy, dist il, regardes ma fachon.
Maugis m’a trestout ars ma barbe et mon menton
Et s’enporte m’espée. Vecy grant mesprison.
Lors Karle regarda au lé de son giron.
Quant n’a trouvé s’espée, plain fu de marrison.
Aussi li .xii. per entour et environ,
N’y ot cil qui de rire eüst grant devocion.
Oncle, se dist Roulant, nos brans perdu avon.
Maugis les a emblé, mais bon gré li savon
Qu’en lieu de vostre espée vous donna sce tison.
Tais, glous, dist l’emperieres, tu ayes maleichon.
Liez es de mon dommaige en ta condicion.
Mont sont dolent li prince au corage membré.
A ! Maugis, dist Rolant, Durendal m’as enblé.
Par ma foy, dist Ogier, ossy m’a il tronpé.
Il enporte Courtain que tant avoie ammé.
