Je sui uns povres hon, si vois querre ostel[1] ;
Si vois par la chité comme maleürés.
Et les gaites se taisent que plus n’i ot parlé.
Et Maugis li lerons a son carne geté
Par itele maniere que tout sont encanté.
Il ne sevent ou sont, [aval][2] sont encliné,
Et Maugis li boins lerrez est en la chartre entrez,
Et trouva ses cousins, ses [a][3] amont menés.
Quant il furent amont, ses a joï asses.
A [aus][4] se fit connoistre, iche fu verités,
Puis vinrent a Renaut soz l’olivier ramé.
Grant joie demenerent li vassal aduré.
D’Orliens se departent, n’i ont plus demouré ;
Et trespassent la terre environ de tout lés,
Et vinrent a Dourdonne, l’amirable chité,
Et trouverent lor mere, tout li ont aconté,
Comment ils sont de Charle parti et desevré.
Quant la dame l’oï, a poi que n’a dervé.
Apres che s’est Renaus et si frere atourné,
De Dourdonne partirent l’amirable chité
Et trespassent la terre et lez amplez renes,
Et vinrent en Ardane, le grand forest ramé,
Tant qu’il ont un bel liu veü et esgardé.
La fisent un castel de grant nobilité
Qui Montessor fu puis a tous jours appelés.
La manurent maint jour, iche fu verité,
Et la les assist Karlles a trestout son barné
Ainsi que vous orres, sans point de demourer,
Et cacha en Gascoigne l’amirable chité,
Com vous porres oïr, se jou sui escouté.
Oiez, seigneur baron, que Diex vous beneie,
Li glorius du chiel, li fes Sainte Marie,
Une boine canchon, ains tels ne fu oïe.
Karllez fu a Orliens, le fort chité garnie,
Page:Castets - La Chanson des quatre fils Aymon, 1909.djvu/169
Cette page a été validée par deux contributeurs.
157
les quatre fils aymon
