Page:Castets - La Chanson des quatre fils Aymon, 1909.djvu/163

Cette page a été validée par deux contributeurs.
151
les quatre fils aymon

Recto B.Je vous donnaisse ja de la paume ens el vis.
Quant Bertelos l’oï, a poi n’esrage vis ;
Il se leva en piez, si est avant saillis.
10.Qu’est che ? dist Bertelos, fiex a putain faillis.
Il hauche le puing destre qu’il ot grant et furni,
Et fiert le fil Aimon trez en mi liu du vis,
Si que li sans vermaus a sez piés li chaï.
Comme Renaus le vit, n’i ot ne ju ne ris,
15.Ains en fu moult forment dolans et entrepris[1].
De l’eschekier sailli Renaus li fiex Aimon ;
Et Alars et Guichars et Richarz au chief blonc,
Quant il virent lor frere, si en ont marison,
Que Bertelos feri par si grant mesproison.
20.Moult en furent dolant trestout li fil Aimon.
Par Diu, dist l’un a l’autre, [or] sommez [nous] [bricon][2]
Quant nous a fait chi batre [l’emperere Karlon][3],
Par le mien enscient jamais honneur n’arons.
Taisiez vous, dist Renaus, por le cors S. Symon !
25.Nous en serons vengié se Dix plait et son non.
Renaus en vint a Karlle, le roy de Monlaon.
Quant il vint devant lui, si l’a mis a raison :
Sire frans empererez, por Diu et por son non,
Vees de Bertelos vo neveu le baron
30.Com y m’a conraé, je n’i sai occoison ;
Mais par ichel apostre c’on quiert en pré Noiron,
Ne fust por vostre amor venganche en eüst on ;
Il nel remansist mie por trestout l’or del mont
Ne por homme fors vous qui vive en chest mont.
35.Chevalier me feïstez, ja ne vous courcheron.
Comme Karllez l’oï, si taint comme carbon.
E Renaut ! dist li roys, fiex a putain, [garçons][4],
Par le foi que je doi au cors .S. Simion[5],

  1. C. trespensis.
  2. Sic C. B : trestout sommez.
  3. Sic C. B : li niez l’empereour. Mauvais pour le sens et la rime.
  4. Sic C. B gascons.
  5. L’habitude d’attester saint Siméon vient sans doute de ce que parmi les reliques que, d’après la légende, Charlemagne avait rapportées de