Page:Benserade - Cléopâtre, 1636.djvu/103

Le texte de cette page a été corrigé et est conforme au fac-similé.

Des honore en ce lieu nostre belle action,
Action qui s’imprime au front de la memoire,
1700Dont une ſeule larme effaceroit la gloire.
Permettez donc qu’icy je devance vos pas,
Ainſi quand vous mourrez je ne pleureray pas,
Sonffrez que je ſois ferme, & que ma vertu brille,
En vous voyant mourir j’aurais peur d’eſtre fille.

Charmion.

1705Que ce ſoit moy, Madame, ou le bras de la mort,
Exerce la rigueur de ſon premier effort,
Si jamais vous ſervant j’eus l’honneur de vous plaire,
Accordez-moi ce bien, que ce ſoit mon ſalaire,
Les dieux ne ſont en vain ſi long-temps ſupliez,
1710Voyez moy de ce pas tomber morte à vos pieds.

Cleopatre.

Quoy pour voir ces bas lieux où tout mortel devale,
L’ordre en eſt different, & la ſuitte inegale ?
Quoy qui meurt le premier eſt le plus glorieux,
Et meſme le trépas fait des ambitieux ?
1715Ainſi la raiſon veut que vous marchiez derriere,
Et l’honneur m’appartient de mourir la premiere,

Elle prend l’aſpic.

Cherchons-en le moyen : Te voila donc ſerpent,
De mon ſort affligé l’eſpoir bas & rampant ?
De mon ſort affligé l’eſpoir bas & rampant ?Cet