Comptez endà que ce chasteau est ung des beaulx, des gentils, des mignons, des mieulx élaborez chasteaulx de la mignonne Touraine, et se baigne tousiours en l’Indre comme une galloise princière, bien attifé de ses pavillons et croisées à dentelles, avecques iolys souldards en ses girouettes, tournant au gré du vent comme tous les souldards. Mais feut pendu le bon Semblançay paravant de le finer, en sorte que nul du depuys ne s’est rencontré assez pourveu de deniers pour le parachever. Cependant son maistre le Roy Françoys, premier du nom, y avoit esté son hoste, et cy en veoit-on encores la chambre royale. Au couchier du Roy, Semblançay, lequel estoyt, par ledict sire, nommé « mon père » en l’honneur de ses cheveulx blancs, ayant entendu dire à son maistre auquel il estoyt tant affectionné :
— Voilà douze heures bien frappées en vostre horologe, mon chier père !
— Hé ! sire, reprint le superintendant des finances, à douze coups d’ung marteau, pour le présent bien vieil, mais bien frappez iadis en ceste mesme heure, doibs-je ma seigneurie, l’argent despendu en icelle et l’heur de vous servir…
Le bon Roy voulut sçavoir ce que entendoyt son serviteur par ces estranges paroles. Doncques, ce pendant que le sire se boutoyt en son lict, Iacques de Beaune luy raconta l’histoire que vous sçavez. Ledict Françoys premier, lequel estoyt friand de ces margauderies, estima la rencontre bien drolaticque, et y print d’autant plus de divertissement que alors madame sa mère, duchesse d’Angoulesme, sur le retourner de la vie, pourchassoyt ung petit le connestable de Bourbon, pour en obtenir quelques-uns de ces douzains. Maulvais amour de maulvaise femme, car de ce vint en péril le royaulme, feut prins le Roy et mis à mort le paouvre Semblançay, comme ha esté cy-dessus dict.
I’ay eu cure de consigner icy comment feut basty le chasteau d’Azay, pour ce qu’il demoure constant que ainsy print commencement la haulte fortune de Semblançay, lequel ha moult faict pour sa ville natale, que il aorna ; et si employa-t-il bien de notables sommes au parachevement des tours de la cathédrale. Ceste bonne adventure s’est contée, de père à fils et de seigneur à seigneur, audict lieu d’Azay-le-Ridel, où ledict récit
