Monsieur, vostre mal, dira-elle
Deffend qu’a ma flame cruelle
Vous donniez rafraichissement :
Et le mien qui d’amour procede
Ne sçauroit prendre pour remede
Des Excuses en payement.
Je ne vous estois pas commode
Puis que ce catharre incommode
Vous deffend mon attouchement,
Il vous falloit hermite rendre,
En mariage on ne peut prendre
Des Excuses en payement.
Ainsi disoit une pucelle
À son vieillard, dont l’allumelle
N’avoit point de soustenement,
Et l’un et l’autre sans malice
S’entre-donnoient par exercice
Des Excuses en payement.
Un autre en semblable posture
Prenant les plaisirs de nature
Un peu trop excessivement
Voyant son encre estre finie,
Donne à sa nouvelle fourbie
Des Excuses en payement.
Il fit une lettre ployée,
Faint qu’elle luy est envoyée
Du grand Conseil expressement
Pour quelque affaire d’importance ;
La sotte alors print sans doutance
Ses Excuses en payement.
Page:Auvray - Le Banquet des Muses, 1865.djvu/88
Cette page n’a pas encore été corrigée
