Cette page n’a pas encore été corrigée
LE BAILLEUR D’EXCUSE
EN PAYEMENT
La mer n’a point tant de balaines
La terre n’a tant de fontaines
Ny tant d’astres le firmament,
Qu’il est de faiseurs de fusées,
De bailleurs de bille-vezées,
Et d’Excuses en payement.
Esperois-tu que ton affaire
Par ce grand qui la devoit faire
D’eust reüssir heureusement :
Toute frelore, ce sont bayes
Il suffit amy que tu ayes
Des Excuses en payement.
Si quelqu’un te fait la promesse
De t’eslargir de sa richesse
Prens-lé au mot presentement,
Car si sa volonté repose
Il baillera pour toute chose
Des Excuses en payement.
Quelqu’un te doit-il une somme,
Si quelque sergeant ne le somme
Et le chicane chaudement :
Tousjours ce bailleur d’esperances
Te repaistra de reverences
Et d’Excuses en payement.