Le texte de cette page a été corrigé et est conforme au fac-similé.
23
des sonnets
Sonnet
Baiſe m’encor, rebaiſe moy & baiſe :
Donne m’en un de tes plus ſauoureus,
Donne m’en un de tes plus amoureus :
Ie t’en rendray quatre plus chaus que braiſe.
Las, te pleins tu ? ça, que ce mal i’apaiſe,
En t’en donnant dix autres doucereux.
Ainſi meſlans nos baiſers tant heureus
Iouiſſons nous l’un de l’autre à noſtre aiſe.
Lors double vie à chacun en ſuiura.
Chacun en ſoy & ſon ami viura.
Permets m’Amour penſer quelque folie :
Touſiours ſuis mal, viuant diſcrettement,
Et ne me puis donner contentement,
Si hors de moy ne fay quelque ſaillie.
Louiſe Labé.
