virtutibusque sponsi sui liberata, turbæ gratulantium, exultans insigniter, permiscuit sese, salutique præsenti et futuræ soboli novorum maritorum gaudibundus, ad honorem splendidæ prosapiæ, inter præcipuos hospites domum nostram receptus occultato consilio sceleris, amici fidelissimi personam mentiebatur.
Jàmque sermonibus assiduis, et conversatione frequenti, nonnumquàm etiam cœna proculòque communi carior cariorque factus, in profundam romam Cupidinis sese paulatim nescius præcipitaverat, quidni ? cum flamma sævi amoris, parva quidem primo vapore delectet ; sed fomento consuetudinis exæstuans, immodicis ardoribus totos adurat homines.
Diù denique deliberaverat secum Thrasyllus, quo vel clandestinis colloquiis opportunum reperiret locum, cum et adulterinæ Veneris magis magisque præclusos aditus copia custodientium cerneret, novæque atque gliscentis affectionis firmissimum vinculum non posse dissociari perspiceret, et puellæ, si vellet, quamquam velle non
