manibus eriperes : postremùm, deserto dejectoque illo conservo, magistro, comite, pastore, non solus aufugeres. An ignoras, eos etiam qui morituris auxilium salutare denegarint, quòd contra bonos mores idipsum fecerint, solere puniri ? Sed non diutius meis cladibus lætaberis homicida, senties efficiam, misero dolori naturales vires adesse.
Et cum dicto subsertis manibus exolvit suam sibi fasciam, pedesque meos singillatim alligans, indidem constringit arctissimè : scilicet ne quod vindictæ meæ superesset præsidium, et pertica, qua stabuli fores offirmari solebant, arrepta, non prius me desiit obtundere, quàm victis fessisque viribus, suopte pondere degravatus, manibus ejus fustis esset elapsus. Tunc de brachiorum suorum citâ fatigatione conquestâ, procurrit ad focum : ardentemque titionem gerens, mediis inguitibus obtrudit : donec solo quod restabat præsidio nisus, liquida fimo strictim egesta faciem atque oculos
