Page:Anonyme - Raoul de Cambrai.djvu/123

12

raoul de cambrai

380Em petitece, qant l’ont en fons levé.
v°Molt crut li enfes, si fu de grant bonté,
Grans fu et fors qant ot .xv. ans passé ;
Li cuens R. le tint en grant chierté
Dame A., par debonaireté
385Avoit l’enfant nourri de jone aé.
Il l’en mena a Paris la cité,
Et si l’acointe del plus riche barné ;
R. servi del vin et del claré.
Miex li venist, ce saichiés par verté,
390Qu’il li eüst le chief del bu sevré,
Car puis l’ocist a duel et a vilté.

XIX

Li quens R. a la clere façon
A grant mervelle avoit chier Berneçon,
Cil estoit fix Y. de Ribemont.
395En nule terre n’avoit plus bel garçon,
[* Ne p]lus seüst d’escu ne de baston,^[1]
[* En] cort a roi de sens ne de raison,^[2]
[* Et n]eqedent bastard l’apeloit on.
R. l’ama a la clere façon ;
400Son escuier en a fait a bandon,
Mais en lui ot estrange compaignon.

XX

[* Dame] A. voit son fil enbarnir,^[3]
[* Bien v]oit qu’il puet ses garnemens soufrir.^[4]
Si l’aresone com ja porez oïr :
405« Faites vo gent et semonre et banir
« Si qu’a Cambrai les peüssiés veïr.

1. 396 = B.
2. 397-8 B En cort a roi de plait ne de raison | Et ne pourquant.
3. 402 = B.
4. 403 B son garnement.