« Ou pandre à fourchez ou naier en la mer,
« S’il ne se veult à notre loy tourner. »
— « Sere, dist Nesmes, Dieu vous peut bien aider ;
« Mès ge ne s[o]y comment puisez aler,
« Ne chevaucher ne sus cheval monter.
« Grande est la playe que vous a fayt assez
« De dart tranchant, quant vous conpvint pasmer !
« Si vous voulez après paens aler,
« Dedans ung char vous conpvendra porter,
« Pour plus souëff vous conduyre et mener. »
Lors [il] a fait ung char tost aprester,
A quatre roes l’a fait bien atourner,
Dedans le char fist cinq couetez poser ;
Sur le char fist ung paveillon fermer
Que vent ne pluy[e] ne peüst le roy grever.
Chevaulx et mules y a fait ateler,
Chamailz et buglez pour le char mielx mener,
Et ou char entre nostre emperiere le ber.
Moult est grevé pour ses armes porter. (fo 52)
Et le guye [Nesmes] qui moult fait à louer,
Et dom Garnier de Quoquangne le ber.
Lors se prennent ensamble à cheminer ;
De cy à Rence ne vouldrent arester.
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/241
Le texte de cette page a été corrigé et est conforme au fac-similé.
107
par le roy charlemaigne
