Aiquin ly roys qui moult a de fierté,
Ysnellement a ses barons mendé,
Parmy Bretaigne et du long et du lé.
Ly roys fist [fere] ung brieff bien scellé ;
A ung mesage fut tantost [de]libvré.
Decy a Nantes s’en est le mesage alé ;
Les briefs Aiquin a là dedans monstré.
Lyre les font les payens defayé,
Vaient qu’il est de Quidalet geté.
Grant deul en ont les payens deféé.
Payens s’atournent et sont acheminé ;
A .XXX.m priser eut l’amiré ;
Au roy Aiquin se sont touz ajouté.
Maint beuf y maynent qui touz furent salé,
Et venaison prennent à grant planté.
A Car[a]hes ont moult vivre porté ;
Forment menacent sainte crestïenté. (fo 40)
Or leray [cy] de Aquin l’amiré.
Sarez de Charles le fort roy coronné,
Qui est en Quidalet o son grant barné.
Il ne scet mie d’Aiquin la verité,
Que il s’en soit de la cité alé.
Nostre emperiere s’est par matin levé,
En la chapelle se en est tost entré,
Ouït la messe, puis se en est tourné.
Regardé a vers la bonne cité ;
Sarrazins ouait qui se sont dementé,
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/219
Le texte de cette page a été corrigé et est conforme au fac-similé.
85
par le roy charlemaigne
