Le roy de France sy fut davant l’auter,
Fist tel priere comme pourrez escouter :
« Damme Dé, ce dist Charlez le ber,
« Qui descendis du ciel le monde saulver,
« Et en la Virge te deignas [a]onbrer
« Et sang et char en son saint corps porter ;
« En Bethléem nasquit[es] sans faulcer,
« Où les Troys Roys t’alerent visiter,
« Ce que t’offrirent ne voulis refuser,
« Ceulx te offrirent mirre, [encens] et or cler ;
« Voulst toy occire Herodez et demunder, (fo 35)
« Ycelle mort ne voulays endurer,
« Juqu’en en Egypte te fist Joseph porter
« [Et] vostre mere qui moult vous pot amer,
« Quant le saint Ange luy vint ammonester.
« A la Thephayne te féys baptizer,
« Ou fleuve Jourdan baptizer et laver.
« .XXXIII. ans voulays par terre aler,
« Desqu’au Jeudi Absolu lour nommer.
« Quant à la Table furent à ton disgner,
« Les tiens Apostres, que moult voulays amer,
« De ton saint [pain] les y féys disgner.
« Au Vendredy que l’en doit adourer,
« T’offreys tu fere ton corps en crouez pener,
« Et piez et mains te les[s]as estander,
« O clous de fer [te] bouster et ficher,
« D’aspres espines te les[s]as coronner,
« Et ton costé de la lance percer.
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/209
Le texte de cette page a été corrigé et est conforme au fac-similé.
75
par le roy charlemaigne
