Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/171

38

la conqueste de la bretaigne

935Et regnaier Jhesu en son latin.
L[y] roys de France entent le Sarrazin ;
Quant l’oit parler, moult a le cuer frarin,
Lors luy respont : « Vous y mentez Aiquin ! »
Le cheval point o l’esperon d’or fin, (f^o 17 v^o)
940Brandist l’espée o le fer bon et fin,
Isnellement fiert le péan lupin,
La targe perce et l’aubert doubletin ;
Aiquin fiert Charlez dou grant espié fermin ;
Lors trait l’espée le péan de pu[t] lin,
945Charlez la sienne qui la plomme ot d’or fin ;
Grans coups se donnent es heaulmes partin.
A terre chiéent les dous barons enxin ;
Sur Charles courent ly couvers Sarrazin,
Fierent de hachez sur l’aubert doubletin,
950Contre la terre le tindrent les mâtin.

XIV

OR est à terre le roy de Saint Denis,
Sur luy acourent les payens maléis ;
A mon escient illec [il] fust occis,
Quant le duc Nesmes y vint tost à devis,
955Et l’Arcevesque, Richard, et Tïoris,
Ernoul de Flendres, et le proux Baudonis,
Et Sal[e]mon qui moult fut de grant pris,
Et moult des aultres barons de Saint Denis.