Et en Jhesu qui fut né de Marie ;
Mès n’a volair ne talant ne anvie ;
Il vouldroit miex aver perdu la vie !
Droit vers l’angarde ont lour vaye aquillie,
Et Charles vient qui [ne] s’atarde mie,
Moult a grant ostet fiere compaignie ;
Fagon les mayne et duc Nesmes les guie,
Les Bretons sont en lour connestablie,
Juqu’à ung tertre maynent la compaignie.
Charles chevaulche et sa gent yst rengie,
Vers peans vont la pute gent haye ;
Poair a grant de sa gent qu’a norrie.
Ly arcevesque que Jhesu begnéïe
A nostre gent commande et lour prie :
« Pour Dieu, Seignours, ne vous espargniez mie
« De bien feriz desus la gent haye,
« Qui cy mourra son ame soit requeillie (fo 11)
« En paradis en la Dieu compaignie ! »
LY arcevesque, à qui Dieu soit amy,
Celui de Doul le proux et le hardy,
A nostre gent dist certenement ainxy :
« Seignours, dist il, pour Dieu qui ne menty !
« Ferez chascun des brans d’acier fourby
« Sur Sarrazins ; [dist] le cuer tout marry :
