« Signor, mandeç, por Deu le roi dou mont,
« Ch’il nos secore le roi a cestui pont.
« Ja veirés vos che Païn s’en enstrunt
« De la citei, che tuit a ceval sunt. »
Lor li envoie Beraudet de Peimunt.
Quant fu partis, li felons Païn funt
Treir lor defice, car bien quatorce en unt :
Les deis mandre ver nostre jent traünt,
Li autre quatre droit al belfrei, s’en unt
Li dos plu mastre pustel frait e derunt ;
Le feu en spant, la flame lieve amunt
De cil toneus che bien araiseç sunt ;
Lor ne fu gars che vousist estre amunt,
Car Maugeris feit devaler le punt ;
Païne jent avec lui s’en istrunt,
Ja oïrois comant cil la fairunt.
Chi dunt veïst li Deus nemis ensir
De la citei par merveilois ahir.
L’un n’atent l’autre par sa ovre fornir.
Chi oïst le roi sor le sarjans braïr
E de sa lance amantenant ferir,
Bien sanble home che vout terre tenir :
As coup de lui ne puet armes guarir,
Feit cil serjant averser e morir,
Iluech ne vaut nule merci quirir.
Cil de Beuvais les vient por sostenir ;
Quant Ysoreç les a veüç partir,
