« Oi vengieruns les aigles sor les lous. »
Lors tient l’espee, s’ala ferir Anfous
Qe molt estoit fier et chevalarous ;
Tot le detranche deci qe as denz desous.
Lor sunt Paien del ferir afarous ;
Nos Crestïens en funt molt angosous.
Ec vos poingant li vasal corajous,
C’est le niés Charles, sor noir Amoravous,
Palmoiant lance, a pué non a feit dous ;
Sa insaigne porte Hues li quens de Blous.
Encué seront .cc. Pampelonous
De retorner a meison sofreitous.
Grant fu le chaple par devant le robist ;
Frans combatent par la loi Jesu Christ
Vers les Paiens qe forment le aïst :
Qi fiert, qi fuit, qi torne, qi guenchist.
Mester fesoit bien qe Rollant venist :
Frans fusent frait se plus i atendist.
L’aute venue dou baron qi veïst,
Le contenir el grant senblant q’il fist :
N’a hom si foible qe ne s’en esbaudist.
Devant les autres, tant com un arch treisist,
Vient le niés Carles et l’olifant bondist.
Le bon destrer soz lui brait et honist ;
De grant randon en la presse se mist ;
Sor un Paien un si gran colp ofrist
Le eschu tranche e l’obers i malmist.
. . . . . . . . . . . . . . . . . . . . .
- ↑ — 5138 cõbetãt — 5139 forment lecist — 5142 p. latendist — 5145 homo, baudist — 5151 ĩ malmist.
— 5129 afaraus — 5130 fiert molto angosus — 5131 Et vos — 5132 for le noir amoiuius — 5133 la lance — 5134 qẽs
