El quart contraire, tenuz vient fableor,
Car bien savomes que devant un rector
Plus d’un sol home vienent creü ploisor.
Se dan Tripin e le dui troveor
Sont en acord d’un ovre e d’un tenor,
E par quoi donque les foibles jogleor
Cantent d’Espaigne e vont contre celor
Che troverent l’estorie. . . . . . . . . ?
A raisons droite devroit un bon pastor
Far les snarer come perjuraor,
Car cil qe cante, s’il veult avoir honor
E ne veult estre apelez mentior
Ne doit canter cel dont il n’est letor ;
E s’il ne soit respondre al proveor,
De lui se gabe el bon escuteor.
Leisons bosdie canter al bosdeor ;
Chi les eschute remagnent avech lor,
Che pur dirai, a qui’n chant e qui’n plor,
Si com nos monstre Trepin nostre doctor.
Li dui barons par marvoilos hiror
Combat l’uns l’autre a force et a vigor
A piere traire, de grant e de menor ;
Ne finirent tant ch’il lor faut le jor.
De ci al jor fu la bataile fiere
Pur solament al giter de la piere.
Dist Feragu : « Sire niés d’enperere,
« S’il vos pleisot, sanz fier longe proiere,
« Tornez vos en. Je m’an irai arere
- ↑ — 2830 a ior — 2834 Tornz, arire.
— 2809 homes uient — 2813 Cautent — 2814 La fin du vers est en blanc ; on peut suppléer quelque chose comme : o grant labor — 2823 au coh lor — 2825 uos
