« Jusque demain la bataile remaigne.
« Le maitinet, sor le voir de Quitagne,
« Armez venrai ici sans demoraigne.
« Dehait celui que pués l’autre sparagne ! »
— Tot ce me ploit », respont le chevetaigne.
« Tu, Saracins, is de giantis laignage ;
« Proier te veul sor cil Diex qe t’ensaigne
« Che n’onfendras a la prise compaigne
« Tant ch’uns de nos avra ce qu’il bragaigne.
« Stu me conqueres, bien pués dir, sens enfaigne,
« Desconfiz ais Carlons en tere straigne ;
« Ne li prisons n’atendront q’il lor vaigne
« Secors valant le pris d’une castaigne ;
« Pués en porais feir quant che le lor cors te maigne.
— Par Mauchomet », respondi l’Aufricant,
« Vestre proiere m’est un comandamant.
« De vos barons ne dotez tant ni quant ;
« Servirai lor, tot par vos solemant,
« Quant en prisons non tendez autremant.
« E se vos estes ensi lor bienvoillant
« Con demostrez et est aparisant
« E volez estre de la lor mort guarant,
« Anz le partir me ferois sacramant
« Che l’ost de France d’ont ele est en presant
« Ne partira por paser plus avant :
« Deça le pont, la qui defanse prant,
« Ne paseront nus cors d’ome vivant
« Ne mais che vos armez sor l’auferant
« Par moi combatre cors a cors solemant.
- ↑ — 1888 comadamant.
877 cheueraigne — 1878 estes de g. laignagne — 1879 qe tẽ caigue — 1880 Che tu nõ fendras — 1883 enrere — 1884 naigue
