En la cit de Coloi[g]ne est repair[i]ez li rois,
La mai[s]nie Landri et li autre François ;
Son cors et son haubert a fait peser .iij. fois
Du plus fin or d’Arabe, ja meillour ne verroiz,
Qu’il offrit a saint P[i]ere, a l’autel ben[e]oit ;
Molt riche don il done ses compaignons françois
Et Landri .c. chevax, qu’as paiens a tolois ;
Tuit ensemble monterent au palais maginois.
Li frans dus de Coloi[g]ne ala baisier le roi,
Et Olive son fils, qu’ele plus aime et croit
Que nul home qui vive, [et] certes ele a droit.
Molt demeinent grant joie li baron celle fois ;
Li aigue fut cornée, si se sistrent a[u] dois.
Assez orent viande et [le] bon vin et froit ;
A icelle foïe fut bien servi[z] li roi[s]...
Et Guinem[ans] sis mai[s]tres, qu’il aime en bone foi,
Et tuit li haut baron qu’il retient avec soi.
« Seignour », ce dist li enfes, « entendez [en]vers moi.
« Baron, [seignour, »] dist il, « entendez mon semblant :
« Mes sire m’a mandé, au coraige vaillant,
« Qui tient Constantinoble et quanqu[e] i apent,
« Li v[e]rais empereres, de cui je me lo tant ;
- ↑ — 4415 cit, ms. cité. — 4420 ces c. — 4423 Le franc duc de C. — 4425 nulz h. — 4426 M. demoinne g. j. li barons. — 4429 A. i. fois f. b. servi le roi. Après ce vers, il faut admettre une lacune d’au moins un vers, où il était question de Landri. — 4430 G. son maitre. — 4431 Et tous les haus barons qui estient a. s. — 4432 Seigneurs.
- ↑ — 4434 mandés en c. v. — 4435 q. il a. — 4436 loe t.
