Baron, desous le pin la ou Landris s’adobe,
Entor lui s’aresterent li baron de Coloi[g]ne,
Et Asse de Maiance et lor maisnie tote
Et Guinemans ses maistre[s] tint l’enseigne de porpre ;
Molt fu granz li barnage[s] quant li mai[s]tre[s] cor[s] sone,
Parmi la mai[s]tre rue s’en issent a grant corre.
La dehors a la barre furent esmé lor home :
.iiijm. haubert, molt fu gente la rote.
Or cheva[u]che[nt] ensemble le bruel desus Coloigne.
Landris plore et demente et regrete son oncle :
« Haï ! Pepin[s] de France, gens roi[s], belle persone,
« Se paien vous enmoine[nt], com ira France a honte ! »
Et li Sesne chevauchent, que Damediex confonde,
L’empereor en meinent, Pepin de France dolce,
.iiijxx. chevaliers et sa maisnie toute.
Molt forment les destreint Brohimax de Sesoine :
« Par Mahomet, dans roi[s], molt est vo vie corte.
« Mar veïstes la mort Carsadoine mon oncle,
« Demain serez jugiez en la cit de Tresmoigne,
« Cil de France en seront ...............
« Tu rendras .................... »
Quant l’entent l’empereres, de duel et d’ire [plore],
Des lïens de ses poins a fait [rompre les cordes],
Et vient a .j. paien, merveillous cop li done,
- ↑ — 4339 maisnie, ms. magnie. — 4340 ces m. ; l’assongne de p. — 4342 rue, ms. rues ; corre, ms. corne. — 4344 fire esmes lor hornes. — 4345 haubert, ms. herbers. — 4346 le b. desue longue. — 4347 demre et regrate s. o. — 4350 Et li S. chevoichent. — 4351 en meinent, ms. amoine. — 4352 maisnie, ms. maignie. — 4354 Mahomet, ms. Mahon ; vo, ms. voz. — 4355 Jazacoigne (ou Jaracoigne), cf. plus haut, v. 4127. — 4357-4360 vers incomplets dans le ms. — 4359 l’empereres, ms. l’empereur. — 4360 ses, ms. ces.
