« La mort Landri jura[i] a .xv. compaignons,
« De ces de mon lignage, de toz les plus felons ;
« Tost le mis hors de France par ma grant traïson.
« Or renoi Damedieu, le bapteme et les fons,
« A lui ne a sa mere n’atent nul guerredon.
— Baron, » ce dist Landris, « cist moz doit estre a som ;
« Ce est molt grans pechié[s] quant nous ci l’escouton. »
A la coue d’une ieve li lïent le chaon,
Par rues le traïne[nt] [et] aval et amont ;
Li pautas est espès et li borbois parfons,
Del massacre li gietent corrées et pormont
Et pierres [et] çavates et chaillois et bastons,
Et li .j. li compisse le vis et le me[n]ton.
« Baron », dist la duchesse, « as forches en iron. »
La duchesse meïsme monta sus l’eschaillon,
Ou col li mi[s]t le ce[r]cle et puis le chaienon,
De sa honte lui membre et de sa mesprison.
Par [de]desour la goule li feri le cranpon ;
Quant la polie torne, li fel va contremont.
Puis firent .j. feu faire de mairiens et de trons ;
La porterent le cors, si l’ardent en charbons.
[Et] la dehors la chartre amoinent Audegour,
Tote la despoill[er]ent, voiant les iex Doon,
Puis la portent au feu, lez son pere felon.
Tomiles fu pendus et sa fille estorchie
Et la chars en fut ars[e] et tote graïllie
- ↑ — 4041 estorchie, sic ms. — 4042 et t. grailloie.
— 4019 Toz les m. — 4020 Or ie noi (ou uoi) D. — 4021 n’atans n. gardons. — 4022 cest moit d. e. asson. — 4024 chaon, ms. haon. — 4026 borbrois p. — 4027 massacre, ms. maltagre. — 4031 s. les chaillons. — 4032 m. le c. et p. li mist le ch. — 4037 si l’arderent. — 4038 amenront A. — 4039 les ieulx Dos.
