Gietent trons et mariens [et] grans perons marsis,
Les portes d’olifant firent rompre par mi,
Et plus de .vijxx. toises firent des murs cheïr.
A l’entrer de la ville fui grans li envaïs,
De tous les primerains fut Jofroi[z] et Landris
Et li prous Guinemans et Asses ses cosins
Et Gautier[s] de Sorbrie et li prous Amauris.
Tomiles torne en fu[i]e, s’a son ostel g[u]erpi,
Landris le suit de près, qui a[u] nasel [le] tint.
« Damoisel debonaire », ce di[s]t li fel, « merci !
« Faites moi .j. evesque ou prevoire venir,
« Si prendra[i] ma confesse por mes pechiés gehir. »
Et dist Landris li enfes : « Bien en av[r]ez loisir. »
Au mai[s]tre tref demoine le rent son pere pris ;
Lors trai[s]t li dus l’espée, car i[l] le vot ferir,
Quant Landris li escrie : « Malvais hons, c’as tu dit !
« Pour .m. mars ne voldroie, certes, qu’il fu[s]t ocis,
« Ains le rendrai ma mere, car je li a[i] promis. »
Celle nuit jut [li dus] ou palais signori[l],
De la riche vitaille le fist li dus garnir
Et li cortois evesques, qui de vers Saine vint ;
A Asson la rendirent, qui la soulo[i]t tenir,
Li gentis damoisels, li chevaliers gentis ;
Li bers l’avoit g[u]erpie pour son seignor servir
Et pour Landri de mort eschiver et garir.
Celle nuit jut li dus ou palais fort et grant,
Les mors en fait fors metre a roncins traïnant ;
- ↑ — 3959 r. traïner.
— 3938 ses, ms. ces. — 3939 li p. et Mauris. — 3940 s. estel g. — 3942 ce, ms. a. — 3946 m. trai d. — 3949 P. m. m. certes ne v. — 3952 li dus, sic ms., corr. Landris (?) — 3953 q. daversaine v. ; cf. v. 2925, 2968, 3894 — 3955 ch. gentis, corr. ch. hardiz (?)
