Page:Aldebrandin de Sienne-Le régime du corps, 1911.djvu/242

DES PROUNES 5 Prounes sont de tel nature qu'il sont froides et moistes, froides au commencement du secont degré, et moistes1 en le fin du tierc degré. Et en sont de diverses manieres, si com blances, et noires, citrines, grosses, petites. F"56a. Blankes et crasses2 si font mal à l'estomac, et donent menison, et norrissent pau, et tex prounes ne doit on pas ||mangier s'el es ne sont savoureuses et meures3. 10 Les noires bien meures sont mains froides et plus moistes des autres, et <de> leur nature remplissent4 le ventrail et l'estomac, et les doit on user à enjun por oster le cole, mais eles grievent moult à le forcele. 15 Les verdes dures et aigres sont malvaises por norrir, car eles grievent à le forcele, et le travaillent, et engenrent vers, mais eles i sont plus froides et miudres 5 des autres, et restraignent le ventrail, et donent appetit de mangier. Celes qui ne sont ne vers ne meures et ki ont l'escorce delie doit on mangier à enjun por le f[r]orcele refroidier, et donent appetit de mangier. 20 Autres manieres de prounes, si com avoisnes6 dont maint philo- sophe dient qu'eles alaskent le ventre, si com dist Galiiens, autres sont, si com Diacorides, qui dientqu'eles restraignent, et por savoir li quex dist miex, esprovance7 juge entre .ij. et dist que les sauvaiges, petites et grans8, de lor nature sont malvaises por santé garder. 25 DES CERISES F°56b. Et devés savoir que li nature de cerises est ausi que de prounes meu||res, fors de9 tant que cerises ameres sont mains froides que douces et ont nature de conforter plus l'estomac. 1. froides. - - 2. B. Les grosses. — 3. B. ajoute ici: « Les noires si sont en .ii. manieres, ou eles sont sauvages, ou eles sont demiesse. Les demiese sont encore de .iii. manieres, si com les bien meures, et les vers, et celes ki sont entre .ii., ne vers, ne meures. » — 4. B. amolissent — 5. B. mains moistes. — 6. B. de miesse. D. avoisnes. — 7. B. esperance. — 8. B. de lor nature restraignent, petites ou grans quieus k'eles soient. — 9. B. que.