Page:Aldebrandin de Sienne-Le régime du corps, 1911.djvu/147

moult .ij. fois le jor et boinnes diverses viandes1, car s'il n'en mengue ke une, li estomas le retient plus que les diverses, et con- vient qu'eles soient boinnes2 miex que malvaises. F°21d. 5 10 Et quant il doit vomir, si se doit mouvoir por ce que li mou||voirs fait plus tost rendre que li reposers 3. Et convient qu'il ait coton sor les iex, et puis soit bendés jusk'à tant k'il ara vomi; et por bien vomir, si prenge .i. plume ointe d'oile d'olive 4; et doit prendre de ces coses devant le vomir, car c'est chou ki ligierement le fait 5, si com eruke, rafle, semence d'airaces6, calamenton vert, oignons, porions, ewe d'orge à tot se lie, miel, vin dous, et nois mengier en miel, et melons et cocombres, et catapuce7, et elebre8. - Et ki boit elebre9, por ce k'il fait forment vomir, si le doit on boire à jeun, apriès ce que .ij. eures du jorsontpassees, s'iln'i a cose ki soit contraire. po22a. 15 20 Et s'il avient que li medecine oevre soudainnement et fort, lors se doit reposer, et flairir coses de boin flair, et froter les paumes et les piès, et boire .i. pau de vin aigre, et mengier coins à .i. pau de mastic por paour ke10 li vomirs ne deviegne trop fors, car s'il est trop fors, qu'il donne angousse, et k'i<1> fait les iex issir fors et les fait rougir, et Il fait suer, et amortir le vois, en tel sueur11a peril de mort. 25 Mais li vomirs est boins dont on se sent plus legier et ki ne fait mie alener angoisseusement, et li drois tans c'on le doit faire si est en esté, et le doit on faire à miedi. Apriès çou c'on a vomi, si doit on laver se bouce 12 d'ewe et de vin aigre, et boire .i. pau de vin de puns de gernate à mastic, et convient qu'il ne manguce ne ne boive tant k'il soit reposés boinne eure13. - 30 Et se puet baignier, mais qu'il ne demourt gaires, et quant men- gier li convient, si mangut boines viandes et legieres et ki se cuisent legierement. Et ne convient mie vomir apriès sainnier se .iij. jor ne sont passé. Et du vomir se doivent garder cil ki ont le pis estroit, et ki mal- vaisement alainnent, et ki legierement rachent le sanc, et qui ont le col graille, et ki ont l'estomach foible, et tot cil qui ne l'ont usé 14, i. B. ajoute: « etpau ensamble ». — 2. B. ajoute: «por chou ke li estomas ne les vosist rendre, et pour chou vaut mius ke eles soient boines ke mauvaises. »— 3. B. ajoute: « et li reposers retenir. » — 4. B. et d'olie de sisseme. — 5. B. vomir. — 6. B.arraces. — 7. capatute. B. D. catapouce. — 8. lebre. B. celebre. D. crebre. — 9. crebre. B. celebre. D. crebre. - -Io. ki. — 11. B. C. vomir. D. sueur. — 12. B. ajoute: « et le visage ». — 13. B. piece. — 14. aise. B. D. usé.