Page:Aldebrandin de Sienne-Le régime du corps, 1911.djvu/108

5 Et sans ceste ewe que nous vous avons nommee, si dient li philo- sophe que li ewe de le pluie qui est netement gardee et recuellie et qui est ceü<e> des hautes nues est mieudre de totes autres por ce qu'ele est plus soutiusI, car par la subtilité veons nous qu'eles cor- runpent trop plus legierement que les autres. 10 Et poés conoistre la quele est plus legiere et plus soutiels en ceste maniere : prendés .ij. dras de coton ou de lin d'un pois, et les baigniés en diverses ewes, et les repesés ariere; qu'il soient ouni 2, et les metés au solel sechier, cil qui pesera mains, li ewe où il sera moillés 3 vaura miex. Et encore vous di je que li ewe qui plus legierement [cort] par le solel escaufe et refroide, que cele vaut miex. F°6b. 15 20 Si vous dirai comment vous le devés user. Sachiés que boire ewe quant on est jeun et on est travilliet est malvaise cose, ains covient que on manguce avant .i. pau, mais que cil qui est sanguins et a grant caleur ou ventral, et as gens qui sont yvre, quant Il il ont soif, le puent plus hardiement boire, et ne mie trop ensamble, car trop boire ewe ensamble est trop male cose, car ele puet amortir le caleur natural, si com dist Avicennes; et qui a grant mestier de prendre grant quantité de ewe, si le prenge quant il aura assés mengié, et le doit prendre deliement ne mie trop engorgiement4. Et encore devés savoir que li ewe <teve> donne talent de vomir, et oste le talent de mengier. Li ewe qui est bien caude si fait mal à l'estomach 5 et fait bien aler à cambre. 25 Des autres manières de ewe et comment on doit amender celes qui sont corrunpues, ne dirons nous mie chi, nous en dirons ça avant, en sen propre liu. Dit vous avons de l'ewe, or vous dirons du vin. I.B.etpluslegiere. — 2. B. igall'un de l'autre, — 3. B. sera plus legiere et. — 4. engrogiement. D. engroissiement. — 5. B. ajoute: « mais cil ki pau l'use si leve l'estomac et le fait. »