Le texte de cette page a été corrigé et est conforme au fac-similé.
PREFACE.
Prens ton vol, mon petit livre,
Mon filz qui fera revivre
En tes vers & en les jeuz,
En tes amours, tes feintises,
Tes tourments. tes mignardises,
Ton pere comme je veulx.
Atan’ je te veux aprendre
Quel chemin il te fault prendre,
Premier que de desloger,
Je te veux compter les peines,
Tes rencontres & les haines,
Ta fortune & ton danger.
C’est ainsi qu’un pere sage
Donne à son enfant courage,
Luy prédisant l'advenir,
Et le mal à l’improviste
L’eust rendu beaucoup plus triste
Que quant il l’a veu venir.
