Cette page a été validée par deux contributeurs.
Diſant que de vous na que fere
La place rendre il differe
Et en rien ne vous eſt tenu
Careſme.
Eſt il vray
Priſonnier ſera retenu
Naues vous pas tous bon corage
Ie me veulx venger de loultraige
Et par ſur luy ſeray maiſtreſſe
Chaſcun aye cueur hardieſſe
Ie te veulx aller aſſallir
Tout de ce pas & ſans fallir
Luy monſtreray que ie ſcay fere
Teſte daulx.
Si ie ſuys vng coup en colere
Il ſera pris ie ſuis certain
Ie luy feray ſentir ma main
Sil conuient fere reſiſtence.
Harentfouret.
Sera il dit par ſa meſchance
Quil ſoit maiſtre par deſſus nous
Nous ſommes tous ſubiectz a vous
Pour morrir a voſtre ſeruice
Il conuient remonſtrer le vice
A ce panſart a ce gormand
Il luy conuient bailler malan
Puiſquency nous veult meſpriſer
Ognions.
Il luy fault chiar & os briſſer.
