J O A N par la grace de Deu Reis d’Engleterre as viſconte de Suthanteſire, et a doſce eſſeuz en tel conte a enquerre et oſter les malveiſes coſtumes des viſcontes et de lor miniſtres des fores et, des foreſtiers, et des warennes, et des warrenniers, et des riviers, et de lor gardes, ſaluz. Nos vos mandons que ſenz delai ſaiſiez en noſtre main les terres, et les tenemenz, et les chatels de toz celz del conte de Suthanteſire qui ne vodront jurer as XXV. barons ſolonc la forme qui eſt eſcritte en noſtre chartre des franchiſes, o a celz quil auront a co atornez; & s’il ne volent jurer maintenant empres quince jorz acompliz, puiſque lor terres & lor tenemen, & lor chatel ſeront ſeiſi en noſtre main: faites vendre toz lor chatelz, & les deniers qui en ſeront pris gardez, ſauvement, a metre en laie de la ſainte terre de Jeruſalem; & lor terres & lor tenemenz tenez en noſtre main juſquil aient jure, & co fu pourvieu par le jugement l'arceveſke Stefne de Cantorbire & des barons de noſtre regne. Et en teſmoig de ceſte choſe nos enveons ceſtes nos lettres overtes. Teſmoig mei meiſme. A Odibaam le vint & ſeptain jor de Juig, lan de noſtre regne dis & ſeptain.
Page:A History and Defence of Magna Charta.djvu/276
Le texte de cette page a été corrigé et est conforme au fac-similé.
230
MAGNA CHARTA.
