xxv. ſeront preſent, & deſcorderont entre els d'aucune choſe, o aucun de cels qui ſeront ſomons ne vodront, o ne pouront eſtre preſent, ſeit ferm & certain co que la griegnor partie de cels qui ſeront preſent porverra, o recevra enſemen com ſe tuit i aveient conſenti.
LXVII. Et li devant dit xxv. barons juerent que totes les choſes qui ſunt devant dites, quil garderont feelement, & feront garder de tot lor poer.
LXVIII. Et nos ne porchacerons dalcun par nos, ne par altrui rien pour quei alcuns de ces otriemenz o de ceſtes franchiſes ſeit rapelez o amenuſiez, & ſe alcune tel choſe ſera pourchacie ſeit caſſee, & veine, & ja nen uſerons par nos ne par altrui.
LXIX. Et totes males volentes, deſdeigz, rancors, qui ſont nees entre nos & nos homes clers & lais, deſke la deſcorde, comanca, avons plainement relaiſſiees & pardonees a toz, & eſtre co toz les treſpaſſemens qui ſunt fait par achaiſon di ceſte deſcorde des la Paſche en la ſezain de noſtre regne juſqual reformement de la pais,
