queles altres manieres quil poront, juſquil ſeit amende ſolonc lor jugement, ſauve noſtre perſonne & de noſtre Reine, & de nos enfans, & quant il ſera amande il attendront a nos, eiſſi come devant. Et qui vodra de la terre jurt que a totes les devant dites choſes parſiver, il obeira al comandement des devant diz xxv. barons, & quil nous grevera enſemble oels a ſon poer, & nous donons comunement & franchement congie de jurer a chaſcun qui jurer vodra, & ja ne le defendrons a neis un, & toz cels de la terre qui de lor von gre voldront jurer as xxv. barons, de deſtreindre & de grever nos, nos les frons jurer oels par noſtre comandement, li com devant eſt dit.
LXV. Et ſe alcuns des xxv. barons morra, o partira de la terre, o ſera deſtorbez en aucune maniere quil ne puiſt les choſes qui ſunt devant dites pourſivir, cil qui ſeront remes des devant dit xxv. barons, eſliſent un altre en lieu de celui ſolonc lor eſgart, que jurera en tel maniere com li altre ont fait.
LXVI. Et en totes les choſes que li xxv. barons devent pourſivir ſe paraventure cil
