& otrions a nos barons la ſeurte de foz eſcrite; co eſt que li baron eſſiſent xxv. barons del regne telz quil vodront, qui dient de tot lor poer garder & tenir, & faire garder la pais & les franchiſes que nos avons otriees & confermees par ceſte noſtre preſente chartre eiſſi co eſt a ſaver que ſe nos, o noſtre juſtiſe, o noſtre bailli, o acuns de nos miniſtres mesfaiſons en alcune choſes vers alcun, o treſpaſſions en alcun point de la pais, o de la ſeurte, & noſtre mesfais ſera moſtrez a quatre barons del devant dit xxv. cil quatre baron viegnent a nos, o a noſtre juſtiſe, ſe nos fumes fors del regne, & nos monſtrent noſtre treſpaſſement, & requierent que nos faciens amender cel treſpaſſement ſenz proloignement, & ſe nos namendions le treſpaſſement, o ſe nous ſumes fors del regne noſtre juſtiſe ne lamendra devant xl. jors empres co que li ſera moſtre a nos, o a noſtre juſtiſe ſe nous ſumes fors de la terre, adonc li devant dit quatre reportent cele cauſe al altres de celz xxv. barons & donc cil xxv. barons ala commune de tote Engleterre nos deſtreindront & greveront en totes li manieres que il porront. Co eſt par prendre chaſtelz & terres & poſſeſſions, & en
Page:A History and Defence of Magna Charta.djvu/268
Le texte de cette page a été corrigé et est conforme au fac-similé.
222
MAGNA CHARTA.
queles
