XXXIV. Ne nos ne noſtre baillie ne prendrons altrui bois a nos chaſtles, o a nos altres avres faire, fors par la volente de celui cui ſera li bois.
XXXV. Nos ne tendrons les terres de cels qui ſeront convencue de felonie, fors un an & un jor, & adons les tendrons as ſeignors des fiez.
XXXVI. Cot li kidel ſeien dici en avant oſte del tot en tot de Camiſe & de Medoine, & par tote Engletterre, fors par la coſtiere de la mer.
XXXVII. Li bries qui eſt apelez precipz des ci en avant ne ſeit faiz a nul daucun tenement, dont frans hoem peuſt perdre ſa cort.
XXXVIII. Une meſure de vin ſeit par tot noſtre regne, & une meſure de cerveiſe, & une meſure de ble, co eſt li quartiers de Londres, & une leiſe de dras teinz, & de raſez, & de habergiez, co eſt deus aunes