XXVII. Nuls viſquents ne coneſtables ne noſtre coroneor ne noſtre altre bailli ne tiegnent les plaiz de noſtre corone.
XXVIII. Chaſcune comtez, hundres, wapulzac, et treingues, ſoient as ancienes fermes ſens nul croiſement, fors nos demeins maniers.
XXIX. Se aucuns qui tient lai fie de nos muert et noſtre viſquents, o altres noſtre bailliz, monſtre nos lettres overtes de noſtre ſemonſe de la dette que li mort nos deveit, leiſſie a noſtre viſconte o a noſtre bailli atachier et enbrever les chatels del mort, qui ſeront trove el lai ſie a la vailliance dicelle dette, que li mors nos deveit par veue de leaus homes, eiſſi ne par quant que riens ne ſeit oſte juſque nos ſeit paiee la dette qui ſera coneue: et li remanant ſeit ſaiſſie as executors a faire le teſtament del mort: et ſil ne nos deivent rien tot li chatel ſeient otrie al mort, ſauves les reignables parties de ſa feme et de ſes enfans.
XXX. Se aucuns frans huem muert ſenz teſtament, li chatel ſeient departi par les
